Ambühl definitiv zum Z

Der seit längerem vermutete Zuzug von Ambühl aus der AHL wurde nun bestätigt. Der Bündner unterschrieb bei den Zürchern einen 3-Jahresvertrag mit einer Ausstiegsklausel für die NHL, welche bis am 15. Juli gültig ist.

35 Gedanken zu „Ambühl definitiv zum Z

  1. i bi eher für es: trainier du sau und mach vo de nhl klausel gebruch!

  2. trainier du sau und mach vo de nhl klausel gebruch?
    s trurig isch, de isch in züri vermuetlich no überbezahlt…

  3. Sorry das isch bis jetzt ein Transfer wo mer chönd bruchä also düend nöd so dumm. Graf du häsch glaub kei Ahnig vo Hockey und trinksch eifach nur Bier i dä Halle. Egal vo wo er isch hauptsach er isch guet und das isch er, dä Ambühl spielt locker im 2.Block. So guet sind mir jetzt au nöd sry.

  4. @J.S: Bitte kei Beleidigungen… dumm litt grad no dinne, aber nöd witer gäl 😉 Verträgi nöd bin en fridliebende Mänsch *zwinker*:..

    nei glaub de Graf meints au nöd uf sini spielerische Fähigkeite sondern uf das wo rotchappe und ich scho higwiese händ, uf sinid Davoser Vergangeheit, aber über die müemer glaub jetzt nüme rede, das hämmer nämli scho usfüehrlich 🙂

  5. Ja was isch dänn mit em Forschter gsi? Dä händ all gern gha und erscht wo dä Juddas wäg isch hassed en alli. Es git 2 möglichkeitä, mir holed kei Spieler nämed die vo GC usw. und gönd id Playout wie ich dänk oder mir holed Spieler und sind vorne däbi also ich mein jetzt nöd Transfers wie Pat/Ziegler will das sind für mich scheiss Transfers alt und nöd würkli guet. Ich frag mich eifach immer warum gegä dä Ambühl? Was isch mit em Gardner das isch en Luganessi gsi was no viel schlimmer isch als en Davoser… so isch es im Hockey mi chan nöd nur uf dä Nachwuchs bauä!

  6. es git ebe gwüssi spieler wome automatisch mitme verein i verbindig bringt (seger bim z, von arx, ambüel bi davos, jenni, wick bi chlote etc.). weme denn gnau so en leitwolf vome andere verein zu sich holt isch das en wesentliche unterschied als weme en „normale“ spiller zu sich holt. ich wet spiller wo sich für de verein und d stadt verrissed und nöd fürs portmonnaie!
    drum: ambüehl verreis wider uf davos!!!!

  7. Seger isch vo Rappi!!! Ich würd am Ambühl zerscht mal ä chance gäh und nöd grad abschribä!

  8. jetzt motzed wider mal all über de Ambühl, aber wenner eus den zum Meistertitel schüsst, ischer en Held. Gebedem doch mal e chance sich zbewiese. Und ich hoffe doch schwer das eusi fans ned eso dumm wie d Klötis sind und es Plakat mached wie bim Zeiter: Mir wennd dich ned bi eus!

  9. seger isch vo rappi, do weiss i nüme was säge! i hoff du entschuldigsch di mol bi ihm wenn er dir über de weg lauft…

  10. ich han dä Seger scho troffä und? Los dä Seger isch vo Rappi cho drum verstahni nöd wemer so scheisse schribt^^ mi söt jedem ä chance gäh egal vo wo er isch. Ihr wännd lieber Spieler vom ZSC und wenns scheisse spieled pfiffeder oder isch tote Hose…

  11. Mir wänd ehner kein überbezahlte Paterlini & Ziegler wo denn au no scheisse spilled und mir wennd kein Ambüehl wo wahrschinli sogar no in Züri vo Davos schwärmt und portmonne-gstüred sini Iisätz abspuelt ufem Iis und 0 Bezug zum Z hät und de au nie meh chan entwickle!

  12. das isch genau de punkt, au wenn de seger vo rappi cho isch, er spielt mit herz für de Z und das macht ihn zum zürcher! bim ambühl han i s dumpfi gfühl dass es glich usechunt wie bim lemm und lugano, de hät bi direktbegegnige scho fast uf de bank vo de chlötis platz gno… so spieler gohts nur um s geld! am end felht das geld no für vernünftigi usländer, weli im prisleistigsverhältnis sicher besser sind! de Z hät usserdem die grösst nochwuchsorganisation hinter sich, aber de junge git mer nie e chance und denn haueds ab. uf sämtlichi transfers bisher hätti mer verzichte chöne und es paar junge dafür d chance ge… zumal i zwifel han, dass de ambühl bi züri so guet sie wird, wie alli glaubed!

  13. Wenns ums Geld gaht warum isch dä Ambühl nöd zu Bern die zahled doch no meh? Lueged doch dä Gardner ah dä isch doch wägem Geld weg… Ich tue nöd jetzt scho urteilä ich lueg zerscht wis isch.

  14. s budget vo bern isch zwor grösser, aber sicher nöd so, dass sie bi jedem spieler die andere „riche“ clubs überbüte chönd. de ambühl isch bim Z well er do am meiste verdient, alles anderi würd mi überrasche. und i in nordamerika hät er gsait, dass er die scheiss burelandschaft im bündnerland vermisst, also kein stadtmensch und somit sicher nöd bim Z well ihm züri gfallt!

  15. Also wänn ich emal öppis über mini zuekunft wett wüsse, frög i sicher de Graf von Löwenbräu. Was dä alles weiss über d’löhne und d’motivation vo de spiller und über em ambühl sini nächscht saison bi züri. wi verschisse dä wird spille und dasser dauernd wird vo davos träume. ganz erstuunlich, würkli huet ab, da mues i ja gar nüme sälber i kugle luege.

  16. er wet schlussändlich nur zeige dass er de ambüehl nöd bi ois wot, und das für mich us sehr verständliche gründ! stellder vor, amigs ade uswärtsmatch in davos (kei ahnig öb das machsch) häsch de ambüehl ghasst und bi jedem goal woner gmacht hät hetschen am liebschte grad verschosse! ez gasch nächscht saison wider uf davos, de ambüehl macht wider es goal und du söttsch ez juble und de ambüehl gern ha?? sorry aber das isch doch eifach völlig abstrus!!!!

  17. lueg ruhig witerhin selber i d kugle, isch vermuetlich sicherer als fehlinterpretation vo mine biträg! es sind grobi unterschied zwüsche fakte und vermuetige! so als bispiel: de hoch lohn isch für mi e schlussfolgerig us „er hät bern und davos abgsait“! dass er bi züri nöd uf toure chunt, isch hingege e vermuetig gsi, ergo i würd kai geld druf verwette!

  18. Sorry dä Kellner hät recht so en scheiss cha nur einä schribä wo selber no nie Hockey gspilt hät. Und klar isch dä Ambühl vo Davos aber wämer jetzt jedeä Spieler oder fascht jedä bim Z hassä wo nöd vom Nachwuchs isch? Pittis, Monnet, Bühler, Bärtschi, Wichser, Seger, Bastl usw.? Sorry eifach doof so öpis.

  19. Naja, lohnt sich glaub nüm z diskutiere……ich wird de ambüehl hasse und ich wird nöd de einzig sii.

  20. @riccola: en spiller vomene andere Club hasse? Oder ihn welle nacheme goal gäge de Z am liebschte verschüsse? So öppis isch abstrus, nöd d’vorschtellig dass dä Ambühl für de ZSC es goal schüsst. Ich gumpe immer ume, wänn dä Z günnt und es ischmer würkli egal, wär dänn die goal schüsst und wo dä vorher gspillt hät und öber wägem Gäld, wäg dä Chagall-Feischter oder wägem Flohmärt ufem Bürkliplatz bim ZSC isch…oder villicht, will sini Fründin in Züri wohnt?

  21. hmm verschüsse isch logischerwiis biz übertribe formuliert gsi……aber es git halt gwüssi gägnerischi spiller, die hasst mer bsunders (von arx, jenni, wick usw.) und da ghört für mich halt au de ambüehl dezue. en monnet, wo de J.S. z.b. vorher erwähnt hät, isch da öpis ganz anders, er isch bi fribourg en ehner unuufällige spiller gsi wo ersch bim Z zume würklich guete worde isch. er hät au nie so vo sim alte verein gschwärmt so wie das de ambüehl immer vo davos gmacht hät und immer no macht! es isch für mich absolut nöd möglich en spiller z liebe woni früehner ghasst han!!! oder fändsches guet wänn de jenni au no zu ois chämt? isch schliesslich au kein schlächte spiller wos locker in 2.-3. block schafft bi ois!!

  22. Wenn ich bedenke dass die die einen solchen Blödsinn schreiben sich ZSC Fans nennen, krieg ich Brechreiz!!!
    @ J.S und Kellner von Löwenbräu, danke dass Ihr dagegen haltet, denke aber dass die aufgewendete Zeit auf solches zu Antworten weiss
    der „Hockeygott“ besser verbringen könnt.

  23. du kriegsch brechreiz? i finds regelrecht zum kotze, dass soviel lüt erfolg um jede pris wänd, aber das nur vo dahai/vom fernseh us, denn uswärts sinds teilwis nur 18 (!) nase wo singed mached und tüend, aber grad die vo allne gwünschte „superstars“ interessierts en scheiss! denn weg em geld sinds bim Z, aber do cha mer jo grad uf d „liste“ vom j.s cho
    Pittis, Monnet, Bühler, Bärtschi, Wichser, Seger, Bastl usw.?
    pittis: usländer sind en spezialfall, im idealfall entwicklets clubtreue, aber grundsätzlich ustuschbar. do chan mer fast säge, hauptsach sie bringed d leistig!
    monnet: guete spieler vom ne andere team wo kein direkte bezug isch und er hät sich d gunst vo de fans erarbeitet!
    bühler: flughafetubel, exterm uswechselbar
    bärtschi: spielerisch guete flughafetubel, rein spielerisch nöd so eifach uswechselbar
    wichser: wenn nöd verletzt de grösst arsch überhaupt, selbst wenn sich s ganz team vo de fans verabschiedet, hät er das nöd nötig! meh muess i nöd säge…
    seger: sis herz isch durch und durch blau wiss rot! mit de wort vo de rotchappe: er isch eine vo de wenige spieler im team wo i no würklich liebe! keine suecht de kontakt zu de fans so wie er! usserdem hät er charakter wie kein 2., er hätti de fucking CHAMPIONS LEAGUE POKAL dörfe als erste stemme, aber nai, er überloht das em sulo! shame on you, dass er überhaupt vo dir erwähnt worde isch!
    bastl: was söll i geg so en spieler scho säge? er isch wohl weder geld no farbe in züri. für ihn wär vermuetlich s eint team so guet wie s ander…
    usw.: mir bruched verdammti verteidiger

    und de ambühl fallt i d kategorie bärtschi (wenn er denn au würklich guet spielt), e stufe weniger schlimm well er nöd us dem kaff chunt wo sich vo vulkan usbremse loht! wieso kein spieler vo genf? die händ anschinend sit 2 mönet kein lohn meh übercho, die wäred mol en fründschaftliche klapps was d transferpolitik agoht und nöd de üblich schlag i mitte is gsicht!

  24. sorry aber er hät zu 100% rächt! ich wart nur druf das ez öper de wichser in schutz nimmt^^

  25. @ Kellner von Löwenbräu
    Jep!! Ich bin sicher, die können noch einen drauflegen ;o)

  26. Trurig was daine gwüsse sogenanti Fans schriebed. Gebed am Bühli mal e chance, bevor er urteilet

  27. das sogenannti chasch dir spare, dafür bin i z oft a de spiel!

  28. ad spiel ga chan jede, ich zB. bin die Sisong a 48 Mätch gsi.

Kommentare sind geschlossen.